الآن تقرأ
لقاء مع على مظهر ملك مصر للياقة

ترجمة/ رفيدة الشريف

يعتبر مجال اللياقة فى مصر من المجالات النامية على الساحة والتى غدت تجذب أعدادا كبيرة من الناس من مختلف الأعمار. وتعتبر شركة (بى فيت) للياقة وكمال الاجسام من أكبر المساهمين فى إحداث ذلك النمو. ويشتمل برنامج (كروس فيت) على عدة أنواع مختلفة من التمارين الرياضية لضمان تحقيق مستوى عال من اللياقة وكمال الأجسام. ويعتبره كثيرون طريقة مختلفة وفعالة لزيادة مستوى لياقة الفرد أكثر مما يستطيع تحقيقه فى صالات الجيم العادية.

عن مستقبل اللياقة فى مصر كان لنا هذا اللقاء مع الكابتن على مظهر المدرب الرئيسي ومؤسس شركة (بى فيت) بمصر، ومدرب معتمد لشركة كروس فيت، واللاعب الأول في الشرق الأوسط الذي ترعاه شركة KT Taping،  وممثل  Nike Running  و Polar Fitness ، وخريج جامعة روتجرز الأمريكية قسم الاقتصاد والتمويل. كما إنه لاعب كرة قدم سابق مَثَّل مصر فى العديد من الأندية ومنتخبات الشباب. كان يكتب عن المشهد الكروى بمصر فى موقع  KingFut.com.

 

على مظهر من لاعب كرة قدم إلى واحد من أهم أيقونات اللياقة فى مصر. كلمنا فى البداية عن مسيرتك الكروية، بدأت إزاى، وإيه هي الأندية اللي مثلتها وأفضل لاعب لعبت جنبه؟

  • بدأت زي أى طفل صغير غاوي لعب كرة قدم. كنت بلعب في نادى المعادي من سن صغير جدا. أعتقد إني لما وصلت 11 سنة بدأت أتفوق على زمايلى اللاعبين. لعبنا مبارة ودية ضد الأهلي، ومن هنا عرفوني وانتقلت من المعادي إلى الأهلي وأنا عندى 12 سنة، ولعبت هناك لغاية سن ال 16. وأنا عندي 17 سنة كنت بدرس في الجامعة الأمريكية بالقاهرة، وكنت بلعب للمنتخب القومي المصري للناشئين تحت سن ال17. في سنة 2006 قدرت أحصل على منحة بجامعة روتجرز بنيو جيرسى. لعبت هناك تلات مواسم وكنت في نفس الوقت بدرس الاقتصاد. في 2010 بعد التخرج، رجعت مصر ووقعت عقدي الاحترافى الأول مع المقاولين العرب. ولعبت هناك لموسمين، لكن للأسف اتلغوا بسبب أحوال البلاد المضطربة فى الوقت دا. كمان انضميت للفريق القومي الأوليمبي للشباب تحت سن 23.
  • n5016144_38362805_813
  • فى 2012 عملت حادثة بالعربية ومكنتش بقدر اتحرك خالص غير بين العلاج الطبيعى والسرير لمدة ست شهور تقريبا. ودا حصل خلال الموسم الثالث مع المقاولين العرب، وبعدين قررت إني أترك مجال كرة لقدم وأغير نطاق عملى. لعبت مع لاعبين موهوبين كتير زي محمد صلاح ومحمد النني، اللى انتقلوا لنادى بازل لما مشيت، وعلاء كمال وشهاب حمد وهشام محمد وأحمد شكري.

كنت فى طليعة الفريق الأولميبى المصري للمشاركة في أولمبيات لندن عام 2012 لكن للأسف الحادثة والإصابة بعدتك عن التشكيل النهائي. هل تعتبر إن دا نقطة تحول في مسيرتك الكروية؟

  • حادثة السيارة مكنتش فى الحقيقة نقطة التحول لأني كنت متردد جدا في اكمال مسيرتي الكروية، بسبب اللي حاصل في البلد إزاي أثر دا على المشهد الكروى. حسيت إني كنت بضيع وقتى، لكن أقدر أقول إن الحادثة حسمت قراري.

قبل انتقالك لمجال اللياقة اشتغلت في الأعمال المكتبية. إيه اللى اتعلمته من التجربة دي؟ وهل هترجع ليها مرة تانية؟

  • اشتغلت عند المجموعة المالية هيرميس لمدة 10 شهور وفي شركةGeneral Electric محلل مالى لمدة 8 شهور. وتعلمت كتير وفتح ذهني في مجال الأعمال بجوار اللعب،  لذلك لما بدأت شركتي الخاصة “بى فيت” كانت من زاوية معينة متعلقة بحبي للياقة، لكن من زاوية أخرى، عندى جانب الأعمال عشان أقدر أديرها بشكل سليم. لكن كل التركيز دلوقت على مجال اللياقة. وتجربة الأعمال المكتبية ساعدتني فعلا في إدارة شركتي الخاصة.

إمتى ابتديت تحول نشاطك لمجال اللياقة؟ إمتى بدأت تهتم لأول مرة بالتدريب؟

  • كنت في مجال اللياقة من ساعة ما سافرت للولايات المتحدة. شفت هناك تأثير القوة وكمال الأجسام على اللاعب وكمان جربته بنفسي،  واشتغلت على تطوير نفسي كلاعب. لما رجعت لمصر لقيت إن المجال دا متطورش بشكل كافي هنا.

Post an incredible workout with those amazing people #BeFitMaadi #RiseOfTheEmpire #TheSkyIsTheLimit

A photo posted by Aly Mazhar (@alymazhar) on

إيه الدافع اللي جعلك تنشأ شركة بي فيت؟

  • بدأت التدريب لأني بحب دا، مكنش عندى خطط إن بى فيت هتبقى كبيرة زى دلوقت. بعد ما شفت الاحتياج في السوق والتطور اللي بيحصل، وخصوصا بعد ما بدأت التمارين في منتجع مرتفعات القطامية قررت أني ابدأ الشركة.

 

    إيه هي أهدافك في البداية لما بدأت شركتك بي فيت من سنتين؟ وهل اتغيرت دلوقت؟.

  • طبعا أهدافي تغيرت لأنه مكنش عندى أي أهداف لما بدأت شركة بى فيت! أنا اعتبرتها وظيفة مؤقتة عشان بحب المجال دا. ومكنتش أتخيل أبدا إنها هتبقى بالشكل اللي هى عليه دلوقت. بعد ست شهور في المجال اللي دخلته دلوقت، اتأكدت من ضرورة وجودها وبدأت في رسم خطط ليها.

 

 

  • بى فيت تطورت من مدرب واحد لفريق مكون من 12 مدرب، من برنامج واحد إلى 14 برنامج، من 6 جلسات تمارين في الأسبوع إلى أكتر من 60 جلسة -بين مكانين مختلفين- في غضون سنة ونص بس. كانت عملية متعبة جدا. ولو بصيت عليها دلوقت اعتقد إننا تحركنا بسرعة جدا وفي الاتجاه السليم، وأنا سعيد بالتطور دا.

 

      ما رأيك فى مشهد اللياقة دلوقت التى بتنمو بشكل استثنائى فى مصر؟ شايف هتروح لفين؟

  • أعتقد إن مشهد اللياقة بينمو في كل مكان في العالم، وفي مصر بيتطور ببطء. الناس حاسة إنها موضة وهتبطل، لكن أعتقد أنه هينمو وهيستمر على كل المستويات. الطبقة المتوسطة هتلاحظ بسرعة إن دا مهم جدا لحياتها. أعتقد إنه هينتشر في البلد كلها.

 

    من فترة قليلة افتتحت كيدز فيت، إيه الفكرة اللى وراها؟ وإيه الدور اللي بتعتقد إنها هتقوم بيه في تشكيل أسلوب حياة الجيل التالى؟

  • الفكرة وراها إن الشخص يبدأ في عمر مبكر،  في الوقت اللي الطفل يقدر يطور مهاراته بسرعة وبقوة. لما تدرب وتعد اللاعيبة في سن صغير جدا أحسن بكتير من إنك تشتغل معاهم لما يكون بالفعل وصلوا سن البلوغ. إحنا بدأنا أكاديمية كرة قدم كيدز فيت و بي فيت. الإتنين هدفهم تعليم المهارات الأساسية لتربية الأطفال في الطريق الصح قبل ما يدركوا إنه الوقت فات.

 

    إيهاللى خلاك تبتدى مسابقة تحدي التحول فى مصر ؟ وليه بالتحديد ست أسابيع؟

  • لما قدرت أقف على رجليا بعد الحادثة، قررت إني أرجع للياقة زي ما كنت زمان، ودا إزاى بدأت رحلتي الشخصية في تحدى التحول. بعد كده فكرت ليه معملش كدة مع الناس؟ أنا عارف إني عندي خدمة كويسة أقدمها. كنت عارف إني أقدر عمل حاجة يستفيدوا منها. لذلك بدأت بمجموعة صغيرة واشتغلنا لستة اسابيع مع بعض. أعتقد إن ست اسابيع فترة كويسة جدا، هي مش طويلة فالناس مش هيحسوا الملل. كمان هي تعتبر قصيرة جدا فمش بتقدر تشوف بالفعل نتايج كافية. كانت الست أسابيع فترة كويسة في الموسم الأول لذلك قررت مغيرش حاجة .

 

 

Post an incredible workout with those amazing people #BeFitMaadi #RiseOfTheEmpire #TheSkyIsTheLimit A photo posted by Aly Mazhar (@alymazhar) on

ازاى بتقدر تقيس تقدم اللعيبة ؟

  • بقيسهم على أساس اللياقة،  وأدائهم في التمارين. وكمان بنيانهم الجسماني هو الأساس، لذلك بنوزنهم، ودا بيساعدنا على إننانشوف استجابة أجسامهم للتدريب وخطط التغذية.

في الخمس مسابقات لتحدي التحول اللي إنت عملتها،  إيه هي الأخطاء الشائعة اللي بيعملها اللاعيبة المبتدئين وإزاى يقدروا يتجنبوها؟

  • الأخطاء الشائعة اللي بيقوم بيها اللاعيبة هي بالأساس عدم إداركهم لقوة التدريب،  وعدم التزامهم بيه،  مثلا إنهم ييجوا التدريب معدتهم مليانة أو أنهم ميكلوش كوي،  أو إنهم مش بيناموا كويس.. عادة مش بياخدوا التدريب بالاهتمام الكافى، لكن لما يحسوا بقوته بيدركوا إن دا أهم جزء من يومهم وإنهم محتاجين يتدربوا كويس. كمان بيبقى عندهم توقعات عالية ولما ميلقوش إن التوقعات دي حصلت في فترة قليلة بيحبطوا بسرعة،  دا السبب ليه إحنا بنحتاج إننا نوريهم النتايج بسرعة جدا. لكن في البداية بنعمل توعية وبنبين لهم أهمية اللي بيعملوه وليه محتاجين يعملوه.

إنت تعتبر مدرب معتمد لشركة كروس فيت، شايف إزاي أن تعلم الألعابالرياضية قيمة إضافيةلمجال عملك وفي صالح اللىي بتدربهم؟

  • أعتقد إن تعلم الألعاب الرياضية قيمة إضافية لحياتك بشكل عام. قدرتك على فهم التشريح الرئيسى واللي يقدر يعمله جسمك وإزاي بيشتغل، وإزاي مفاصلك بتتحرك هو شيء ضرورى للكل مش للمدربين فقط. ولما تقدر تفهم المحفزات المختلفة، هتقدر تطبقها على لاعيبتك،  وهتعرف إن فيه حاجة بتنفع مع لاعيب مش بتنفع مع واحد تانى. المفروض إنك تكون منتبه جدا وعندك عين قوية،  وتقدر تشوف الأخطاء اللي بيعملوها في جزء من الثانية ، قبل ما اللاعيبة يعوروا نفسهم. الطريقة اللى بيتفاعل بيها المدرب محدش تانى بيتفاعل بيها ودا اللى بيحدد المدرب الكويس وبيجيب نتائج كويسة.

علاقتك بالكرة أبدية. إيه اللى نفسك تحققه من أكاديمية كرة القدم بي فيت؟

  • إحنا عاوزين نساعد الأطفال يطوروا مهارتهم في عمر صغير جدا، نعلمهم الأساسيات عشان يقدروا بعد كده يتحركوا لمستوى أعلى عندنا مدرب للشباب معتمد من الفيفا بيعلمهم الأساسيات، كمان احيانا بندجمهم مع برنامج كيدز فيت عشان يطوروا لياقتهم.

هل فيه لعيبة كرة قدم حالين أوسابقين بيدربوا في بى فيت؟

  • فيه وعندى مجموعة من الأصدقاءاللي بيحضروا في التمارين.

مين بتعتبره مثلك الأعلى في حياتك الشخصية والعملية ؟

  • على المستوى الشخصي والدي اللي وقف جمبى في كل خطوة وكل لحظة في حياتي،  سواء في حياتى الكروية، أو حياتي العملية أو بي فيت في بدايتها. قالى إن بى فيت هتكبر، عندى إيمان كبير بيه ومازلت بتذكر كل حاجة علمهانى. على المستوى المهنى والاحترافى، بصراحة،  شغلى لسة فى بدايته. بتابع المدربين الكويسين اللى بيشتغلوا فى مجال اللياقة، وأحيانا بدرب بالطريقة اللى بيشتغلوا بيها. وبردو بتابع المديرين فى الصناعات المختلفة, لان بى فيت تعتبر شركة رياضية, بتطور لعيبتك, وفى نفس الوقت هى شركة بتحتاج إنهاتدار بشكل كويس.

هل عندك أيخطط توسعية في المستقبل لشركة بى فيت؟

  • إحنا في الحقيقة بنخطط للتوسع في أماكن مختلفة في السنين اللي جاية، لكن دا بيتوقف على إزاي هنطور مدربينا وبسرعة قد إيه إحنا مش هنقدم خدمة إلا إذا قدرنا نضمن تقديم نفس الجودة اللي الناس اتعودوا عليها.

المصدر: هنا

 

عن الكاتب
رفيدة الشريف
التعليقات

يجب عليك تسجيل الدخول لإضافة تعليق