الآن تقرأ
9 نصايح لتنظيم مطبخك هتغير حياتك

المطبخ هو روح البيت ولو نظيف هتلاقي البيت كله نظيف وعشان يبقي دايما نظيف ابدئي دايما بالحل متستنيش المشكلة، دي نصايح لتنظيم المطبخ هتغير حياتك و هتسهلك التنظيف وكمان هتوفرلك وقتك.

1-   

أول حاجة لازم تعمليها إنك متخليش حاجة علي الأرض و دا هيسهلك تنظيف الأرضيات دايما وكمان هيدينا المساحة للحركة بسهولة و ممكن نستخدم الحيطة أكتر اللي هيخلي المطبخ أحلى كتير.

11651211_926713454056607_782305782_n

2- 

من الحاجات اللي بتساعد أكتر في التنظيف لو هي منظمة هو سطح المطبخ”الرخامة يعني” لو سطح المطبخ منظم بيسهل تنظيفه و كمان بتقدري تستعمليه علي طول.

3- 

إرمي أي حاجة مش محتاجاها في وقتها متجمعيش برطمانات أو علب بلاستيك أو أكياس زيادة بحجة أنك أكيد هتلاقيلها استعمالات برغم إني من هواة إعادة التصنيع بس في المطبخ لو حاجة إتركنت إنسي، عشان كده يا تستخدميها في ساعتها يا إما على الزبالة على طول.

11653231_926713427389943_417691093_n

4- 

لو عندك باب مطبخ يبقي تمام جدا هتقدري تستخدميه لتنظيم حاجتك زي أدوات النظافه هتعلقي عليه مكنستك ماسحتك و كمان ممكن تستخدمي منظم بجيوب يتحط فيه المنظفات و النقطة دي ممكن تعمليها ورا الباب أو كمان علي الحيطة و هتدي منظر حلو و مرتب.

11657376_926713524056600_2093517929_n

5

كمان من أكتر الحاجات اللي بتكركب الرفوف في المطبخ هي غطيان الحلل و الحل بسيط جدا و هيفرق بجد معاكي الحل إنك تستخدمي باب وحدة المطبخ تعلقي عليه غطيان الحلل أو تعملي وحدة زي فواطة الحمام علي الحيطه و تعلقيهم برده عليها.

11694211_926713610723258_1152640253_n

6-       التلاجة من أكتر الأماكن اللي بتتعب في تنضيفها و هي برضه من  أسهل الحاجات اللي ممكن تنظفيها بكل بساطة التلاجة بتتوسخ من الحاجات اللي بتقع عليها يبقى الحل إننا نغطيها بمفارش بلاستيك نقصها علي مقاس كل رف بكده هنقدر نشيل المفرش و نغسله أو نرميه حتي و نحط بداله.

11667244_926714114056541_336457813_n

 

7

التلاجة كمان ممكن تنظيمها بسهولة المشكلة إنك بتمليها برطمانات و علب و أكياس و بتدوخي علشان تلاقيها و ساعات مابتلاقيهاش و بترجعي تشتريها تاني و دا بيراكم الحاجات في التلاجة و بيملاها و كمان ممكن الحاجات دي تبوظ و تعمل ريحة مش مستحبة و عشان كده نصيحتي ليكي العلب البلاستك الكبيرة نحط عليها ملصق زي مثلا صوصات و صلصات أو فاكهة و خضروات أو مثلا ألبان و جبن و نحط فيها كل الحاجات اللي ممكن تتحط في العلب دي دا هيوفرلك مكان و كمان هيسهلك إنك تلاقي اللي انتي بتدوري عليه.

11651342_926713730723246_1433650492_n

 

8

لو بتستعملي مطبقية علي الحوض بنصحك تحطي فيهم علي قد استعمالك يعني لو إنتم 3 أفراد تحطي في المطبقة 3 أطباق مسطحة و تلاتة عميقة و فيه شيالة المعالق 3 معالق و 3 شوك دا هيقلل استخدامك للأطباق والملاعق مش هيبقي الحوض دايما مليان هتلاقي نفسك بتستعملي على قد اللي قدامك ولو محتاجة طبق زيادة ممكن تطلعيه و برضه تستعمليه و يدخل علي طول كده هتضمني نظافه الحوض دايما.

11694234_926714747389811_1556701761_n

9

نفس فكرة العلب البلاستك اللي قولنا نستخدمها في التلاجة هتستخدميها على أرفف المطبخ هتحطي فيها التوابل ، المكرونات و الأرز حاجات زي كده و دا هيسهلك و هيسهل لأي حد ممكن يدخل المطبخ مكانك إنه يلاقي اللي بيدور عليه و ممكن تنظفي العلب دي كل فترة بكل سهولة و مطبخك يفضل نظيف دايما.

عن الكاتب
رانيا أحمد